🆎©️™️
Tulipoishia
“huyo kijana najua hatoweza kukutunza, fanya hivi, nizalie mtoto mmoja Christina” aliongea
“unasemaje”
“inabidi unizalie mtoto mmoja Tina” alisema ikabidi Tina asite kujibu mzee akaendelea “umekubali au hautaki Christina” aliuliza
Endelea
“mheshimiwa naomba nifikirie halafu nitakupa jibu jioni” alisema binti
“sawa unipe jibu jioni ili nielewe ni kipi nitafanya juu yako” alisema mheshimiwa “halafu usiniite muheshimiwa niite mpenzi kama ilivyo”
“sawa baby” alisema Tina na kukata simu.
Alipomaliza kukata simu akamuandikia Tino message “please Tino ukifika naomba unipe taarifa nina wasiwasi sana juu yako” binti alisema
“usijali, nipo kwenye daladala sasa hivi” alisema mtaalam
Baada ya Tino kufika nyumbani alimkuta Dickson akiwa anaongea na simu pale chumbani na alikuwa anabembeleza haswa
“ina maana kweli J mapenzi ndiyo unayajua hivi?” Dickson aliongea
“jamani ni kawaida tu, natamani uyapate mapenzi yangu uinjoy zaidi kipenzi, sitakubali wewe nikupoteze” alisema binti ambaye Dickson alikuwa anaongea naye, kwani alikuwa ameweka loud speaker kwenye simu
“daaah jamani sawa basi jioni utakuja Boko tuonane tafadhali kipenzi natamani kuwa karibu na wewe leo” alisema Dick
“sawa honey usijali, naomba unitumie 5000 nijiunge kifurushi basi”
“sawa usijali natuma sasa hivi?”alisema Dick na kukata simu “oy Tino vipi mzee ndo unafika now” aliuliza baada ya kumuona Tino
“yaaah boy, vipi lakini” alisema
“poa mwamba, mi natoka nimeopoa chombo yangu mpya mzee jioni itakuja huku Boko naomba leo uniachie geto kidogo” alisema Dick
“usiwaze mwamba nakukubali sana” Tino alisema na kuchukua simu akamuandikia Tina sms “Nimeshafika nyumbani Tina, ngoja nioge halafu nitakucheki basi
“powa baby please ukae makini sana roho yangu, usije ukauawa bure” alisema Tina
*
Mida ya jioni jioni alikuja demu wa Dickson nyumbani, alikuwa sio mwingine ni Jane, kumbe kitendo cha siku ile Tina kumuomba apige simu ili aongee na mtaalamu ilipelekea kuwa na mazoea ambayo kidogo yalileta mkanganyiko hadi kufanya wakaja wakaingia katika mapenzi mazito sana
Lakini Tino hakumuona binti kwa sababu alikuwa ameshatoka tayari.
Leo Tino alikuwa amevalia ile nguo mpya aliyonunuliwa na binti Tina alikuwa amependeza hasa, alipanda gari taratibu na kuelekea mitaa ya Mwenge ITV ambapo ndipo aliposhuka kwenye gari akapanda bajaji na kupelekewa katika eneo moja ambalo lilikuwa na nyumba nzuri sana yenye geti jekundu
Tino alitoa rimoti mfukoni bila kujulikana ameitoa wapi na alipoinyooshea katika lile geti lilifunguka naye akazama ndani
Ndani ya jumba lile kulikuwa na vijana wawili mabishoo walikuwa wameketi nje kwenye sofa huku wakichezea tablet
“bossssss” walimchangamkia
“inakuwaje” alisema mtaalam wote wakainuka na kumpa tano
“safi mwamba mbona leo umeng’aa sana mzee” alisema mmoja wa vijana hao aliyefahamika kwa jina la Dullah
“hahhaa mwenyewe najishtukia mzee” aliongea huku akijitazama mara ghafla alitokea Tony akiwa amebeba Muwa na kisu
“oy oi oi oi” alisema na kumpiga begani kidogo halafu akagonga tano na kucheka kwa nguvu “mzee umevaaa, najua ni Tina huyu amefanya mambo” alisema Tony wote haijulikani walimjuaje yule binti kwamba anaitwa Tina
“kawaida mzee, vipi naweza nikazama ndani?” aliuliza Tino
“yap key ipo juu ya kabati hapo sebleni” alisema Tony na Tino alizama ndani akiwa kidogo uso sio wa furaha
Tino alipozama ndani alichukua ufunguo na kuzama katika chumba kimoja kizuri. Ndani kulikuwa na kila aina ya kitu.
Kulikuwa na kitanda cha tano kwa sita kizuri chenye godoro la Tanfoam la nchi nane. Pembeni kulikuwa na Flat Screen ya nchi 32 aina ya Samsung, halafu pia kulikuwa na sofa moja ya kukaa watu wawili pamoja na stuli mbili za vioo
Kulikuwa na redio ya sabufa aina ya Boss halafu kulikuwa pia na gitaa pamoja na kinanda kidogo vyote viliegeshwa ukutani
Nyuma ya mlango kulikuwa na Kabati la nguo la rangi nyeupe ambalo pia lilikuwa na droo nne pembeni yake kwa ajili ya kuweka vitu fulani. Halafu pia kulikuwa na Friji ndogo pembeni mwa sofa
Ukutani kulikuwa na picha ya Tino kubwa iliyokuwa na frame nzuri nyeupe alionekana Tino akiwa amevalia suti halafu pia kulikuwa na Zulia lililorembwa sana chini.
Tino alivua viatu vyake halafu akavua tisheti aliyokuwa amevaa, akabonyeza rimoti iliyokuwa kwenye stuli ikawasha AC nyumba nzima ikaanza kupata baridi halafu akafunga mlango
Baada ya dakika moja Tino aliketi kwenye sofa akafungua friji na kutoa Redbull kisha akaiweka kwenye stuli halafu akaichukua gitaa na kuanza kuipiga gitaa taratibu na baada ya dakika moja akachukua redbull na kufunua akanywa kidogo
Kuna sms iliingia kwenye simu yake akaifungua na kusoma ilikuwa ni ya Tina “Jamani Tino ina maana mda wote tangu saa ile we unaoga tu?” aliuliza ila Tino akaipotezea ile message na kuendelea kupiga guitar kumbe jamaa ni fundi mzuri sana wa kupiga guitar bwana
Alianza kuimba ule wimbo wa MEDDY uitwao Slowly taratibu kwa kubembeleza huku akitafakari mambo fulani fulani. Halafu ghafla simu yake ikaita alikuwa anapigiwa na Mheshimiwa
“Agustino vipi”
“salama shikamoo mkuu” alisema mtaalam
“marahaba, upo Mwenge?” aliuliza
“Ndiyo mkuu” alisema jamaa
“ok washa simu” alisema mheshimiwa na kukata simu
Tino aliweka gitaa pembeni halafu akaenda hadi kwenye droo akafungua droo na kutoa simu kali kwenye droo aina ya Samsung A30 halafu akaiwasha huku akiwa anatikisa kichwa
Ilipowaka hadi mwisho ilionekana picha ya Tino akiwa amewekewa mkono begani na mwanamke mmoja mwenye umri mkubwa mkubwa kwa haraka haraka angeweza kuwa ni mama yake, halafu alipoitazama tu ilifunguka kwa sababu ya screen lock kuwa ya kutumia sura yake…….JE TINO NI NANI HASA? Usikose sehemu inayofuata
Tags:
RIWAYA